തിരുവനന്തപുരം: സർക്കാരിന്റെ നൂറുദിന കർമ്മ പരിപാടിയോടനുബന്ധിച്ച് എംപ്ലോയ്മെന്റ് വകുപ്പ് വഴുതക്കാട് ഗവ.വിമെൻസ് കോളേജിൽ സെപ്തംബർ 7ന് നിയുക്തി 2024 മെഗാ തൊഴിൽമേള സംഘടിപ്പിക്കും.തിരുവനന്തപുരം,കൊല്ലം,ആലപ്പുഴ,പത്തനംതിട്ട ജില്ലകളിലെ തൊഴിൽദായകരെയും ഉദ്യോഗാർത്ഥികളെയും പങ്കെടുപ്പിച്ചുള്ള തൊഴിൽ മേളയിൽ ഐ.ടി ഹോസ്പിറ്റാലിറ്റി,ഓട്ടോമൊബൈൽ,പാരാമെഡിക്കൽ,മാർക്കറ്റിംഗ് തുടങ്ങിയ മേഖലകളിലെ 70ൽ പരം പ്രമുഖ തൊഴിൽദായകർ പങ്കെടുക്കും.10,പ്ലസ്ടു,ബിരുദം,ഐ.ടി.ഐ,ഡിപ്ലോമ,ബിടെക് പാരാമെഡിക്കൽ,ട്രാവൽ ആൻഡ് ടൂറിസം യോഗ്യതയുള്ളവർക്ക് അവസരം.www.jobfest.kerala.gov.in വഴി തൊഴിൽ ദായകർക്ക് ഇന്നുമുതലും ഉദ്യോഗാർത്ഥികൾക്ക് 16 മുതലും രജിസ്റ്റർ ചെയ്യാം.ഫോൺ: 8921916220, 8304057735, 7012212473.