വെള്ളനാട്: വയനാട് ദുരന്തത്തിന്റെ പശ്ചാത്തലത്തിൽ വെള്ളനാട് വില്ലേജ് റസിഡന്റ്സ് അസോസിയേഷൻ നടത്താനിരുന്ന വാർഷിക പൊതുയോഗവും കുടുംബസംഗമവും ഓണാഘോഷ പരിപാടികളും ഒഴിവാക്കി. പരിപാടികൾക്കായി സമാഹരിച്ച തുകയിൽ നിന്ന് 10,000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകാനും യോഗം തീരുമാനിച്ചു. അസോസിയേഷൻ പ്രസിഡന്റ് ഡി.മോഹനൻ നായർ അദ്ധ്യക്ഷനായി. രക്ഷാധികാരി കെ.ജി.രവീന്ദ്രൻ നായർ,സെക്രട്ടറി ഇ.പി.ഹരികൃഷ്ണൻ തുടങ്ങിയവർ സംസാരിച്ചു.