കഴക്കൂട്ടം: ഓൺലൈൻ ട്രേഡിംഗിലൂടെ ചാന്നാങ്കര സ്വദേശിയായ രഹ്നയുടെ 21 ലക്ഷം തട്ടിയെടുത്ത കേസിൽ മൂന്നുപേരെ കഠിനംകുളം പൊലീസ് അറസ്റ്റുചെയ്തു. പാലക്കാട് സ്വദേശികളായ അരുൺകുമാർ (32)​,​സഞ്ജയ് (21)​,​ഉബൈദ് (19)​ എന്നിവരാണ് പിടിയിലായത്.

ഓൺലൈൻ ട്രേഡിംഗ് വഴി ലാഭമുണ്ടാക്കാമെന്ന് പറഞ്ഞ് വാട്‌സ്ആപ്പ്,​ഇൻസ്റ്റഗ്രാം,ടെലഗ്രാം തുടങ്ങിയ സമൂഹ്യമാദ്ധ്യമ പ്ലാറ്റ്ഫോമുകളിലൂടെ സ്ക്രീൻഷോട്ടും ലിങ്കും പങ്കുവച്ചാണ് തട്ടിപ്പ് നടത്തിയതെന്ന് കഠിനംകുളം പൊലീസ് പറഞ്ഞു. ഇത്തരത്തിൽ ബിസിനസ് നടത്തുമ്പോൾ ദിവസവും 5000 രൂപ ലാഭം ലഭിക്കുമെന്ന് പറഞ്ഞാണ് സംഘം പലരെയും വലയിൽ വീഴ്‌ത്തിയത്. സി.ഐ സാജൻ,​എസ്.ഐ അനൂപ്,​ഗ്രേഡ് എസ്.ഐ ജ്യോതിഷ്,​സി.പി.ഒ അനീഷ്,​സി.പി.ഒ സുരേഷ്‌കുമാർ എന്നിവരടങ്ങുന്ന സംഘമാണ് പ്രതികളെ പിടികൂടിയത്.