തിരുവനന്തപുരം : മന്ന ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ ഉമ്മൻചാണ്ടി സ്‌നേഹ സ്പർശം പദ്ധതിയുടെ ഭാഗമായി തിരഞ്ഞെടുത്ത പത്ത് കുടുംബങ്ങൾക്ക് സൗജന്യമായി തയ്യൽ മെഷീൻ വിതരണം ചെയ്തു. ജഗതി പുതുപ്പള്ളി ഹൗസിൽ നടന്ന ചടങ്ങിൽ സിനിമാ സംഗീത സംവിധായകൻ എം ജയചന്ദ്രൻ തയ്യൽ മെഷീൻ വിതരണോദ്ഘാടനം നിർവഹിച്ചു.മലയാള സിനിമ സംഗീതരംഗത്ത് മുപ്പത് വർഷങ്ങൾ പിന്നിടുന്ന എം. ജയചന്ദ്രനെ പൊന്നാട അണിയിച്ച് ആദരിച്ചു.മന്ന ചാരിറ്റബിൾ ട്രസ്റ്റ് ട്രസ്റ്റി മറിയാമ്മ ഉമ്മൻ അധ്യക്ഷത വഹിച്ചു. ജോൺ മുണ്ടക്കയം,എസ്.പി ഹെൽത്ത് ഗ്രൂപ്പ് ഡയറക്ടർ എം.വനജ,മന്ന ചാരിറ്റബിൾ ട്രസ്റ്റ് മാനേജിംഗ് ട്രസ്റ്റി ഡോ.മറിയ ഉമ്മൻ തുടങ്ങിയവർ സംസാരിച്ചു.