തിരുവനന്തപുരം: സംസ്ഥാനത്ത് ബുധനാഴ്ച വരെ ശക്തമായ മഴ തുടരുമെന്ന് കാലാവസ്ഥാ വകുപ്പ്. മദ്ധ്യ തെക്കൻ ജില്ലകളിലെ മലയോര മേഖലയിലും മഴ കനക്കും.തെക്കൻ കർണാടകയ്ക്ക് മുകളിലെ ചക്രവാതച്ചുഴി, കർണാടക മുതൽ കന്യാകുമാരി വരെയുള്ള ന്യൂനമർദ്ദപാത്തി എന്നിവയുടെ സ്വാധീനത്തിലാണ് മഴ. ഇന്ന് കോട്ടയം,ഇടുക്കി,എറണാകുളം,പത്തനംതിട്ട ജില്ലകളിൽ ഓറഞ്ച് അലർട്ട് പ്രഖ്യാപിച്ചു.തിരുവനന്തപുരം,കൊല്ലം,ആലപ്പുഴ,എറണാകുളം,കോഴിക്കോട്,വയനാട്, കണ്ണൂർ,കാസർകോട് ജില്ലകളിൽ യെല്ലോ അലർട്ടാണ്. കേരളാ തീരത്ത് 3.3 മീറ്റർവരെ ഉയരത്തിൽ തിരമാലയ്ക്കും സാദ്ധ്യതയുളളതിനാൽ മത്സ്യബന്ധനം പാടില്ല.