ശ്രീകാര്യം:170-ാമത് ശ്രീനാരായണ ഗുരുദേവ ജയന്തി ആഘോഷങ്ങൾക്ക് ഗുരുദേവ ജന്മഗൃഹമായ ചെമ്പഴന്തി ഗുരുകുലത്തിൽ തുടക്കമായി. ഇന്നലെ രാവിലെ ശാന്തി ഹവനത്തിനും വിശേഷാൽ പൂജകൾക്കും ശേഷം 7.30ന് ശിവഗിരി മഠം ധർമ്മസംഘം ജനറൽ സെക്രട്ടറി സ്വാമി ശുഭാംഗാനന്ദ സ്വാമി ധർമ്മപതാക ഉയർത്തി. ഉച്ചക്ക് 12ന് ഗുരുപൂജയും വിശേഷാൽ അന്നദാനവും നടന്നു.

ഇന്നു രാവിലെ വിശേഷാൽ പൂജകൾ. ഉച്ചയ്ക്ക് 12ന് ഗുരുപൂജ. തുടർന്ന് അന്നദാനം.ജയന്തി ദിനമായ നാളെ രാവിലെ വിശേഷാൽ പൂജകൾക്കും ശാന്തി ഹവനത്തിനും ശേഷം 6 മണി മുതൽ വയൽവാരം വീട്ടിൽ വിശേഷാൽ പൂജകളും സമൂഹ പ്രാർത്ഥനയും.10ന് ശ്രീനാരായണ ദാർശനിക സമ്മേളനം പ്രതിപക്ഷ നേതാവ് വി.ഡി.സതീശൻ ഉദ്ഘാടനം ചെയ്യും. ധർമ്മസംഘം ട്രസ്റ്റ് മുൻ ജനറൽ സെക്രട്ടറി സ്വാമി ഋതംഭരാനന്ദ അദ്ധ്യക്ഷത വഹിക്കും. എം.എം.ഹസൻ, എ.എ.റഹീം എം.പി, തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്.പ്രശാന്ത്, ഭീമ ഗ്രൂപ്പ് എം.ഡി. എസ്.സുഹാസ്, എസ്.എൻ.ഡി.പി യോഗം പി.കെ.എസ്.എസ് തിരുവനന്തപുരം യൂണിയൻ പ്രസിഡന്റ് ഡി.പ്രേംരാജ്, ഐ.എം.ഡി. ഹോസ്പിറ്റൽ സി.എം.ഡി. ഡോ.ഡി. രാജു, ജ്യോതിസ് ഗ്രൂപ്പ് ഓഫ് സ്കൂൾസ് ചെയർമാൻ എസ്.ജ്യോതിസ്ചന്ദ്രൻ, ദേവസ്വം ബോർഡ് മുൻ അംഗങ്ങളായ കെ.പി.ശങ്കരദാസ്,.ഉഴമലയ്ക്കൽ വേണുഗോപാൽ, അണിയൂർ എം. പ്രസന്നകുമാർ എന്നിവർ പങ്കെടുക്കും. തുടർന്ന് ഡോ.വി.ഗിരി,ഡോ.ശ്യാംറോയ് എന്നിവരെ അനുമോദിക്കും. തുടർന്ന് സാഹിത്യ മത്സരങ്ങളിൽ വിജയികളായവർക്കുള്ള സമ്മാനദാനം.11 ന് ഗുരുപൂജ തുടർന്ന് അന്നദാന സദ്യ. ഉച്ചയ്ക്ക് 3ന് ലളിതമായി സംഘടിപ്പിക്കുന്ന തിരുജയന്തി ഘോഷയാത്ര മന്ത്രി ജി.ആർ.അനിൽ ഉദ്ഘാടനം ചെയ്യും. വി.കെ.പ്രശാന്ത് എം.എൽ.എ, സ്വാമി അഭയാനന്ദ, കൗൺസിലർമാരായ ഡി.ആർ.അനിൽ, സ്റ്റാൻലി ഡിക്രൂസ്, ഗായത്രീദേവി, പി. മഹാദേവൻ,ജയശങ്കർ തുടങ്ങിയവർ പങ്കെടുക്കും. ഗുരുകുലത്തിൽ നിന്ന് തിരിച്ച് ഉദയഗിരി വഴി ചെല്ലമംഗലം ദേവീ ക്ഷേത്രത്തിലെത്തി തിരികെ ഉദയഗിരി ജംഗഷൻ, വെഞ്ചാവോട്, ചെമ്പഴന്തി പോസ്റ്റ് ഓഫിസ് ജംഗ്ഷൻ വഴി ഗുരുകുലത്തിൽ എത്തിച്ചേരും.

വൈകിട്ട് 6.30ന് ജയന്തി മഹാസമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. കടകംപള്ളി സുരേന്ദ്രൻ എം.എൽ.എ അദ്ധ്യക്ഷത വഹിക്കും. ശിവഗിരി ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ ജയന്തി സന്ദേശം നൽകും. സ്വാമി സൂക്ഷ്മാനന്ദ അനുഗ്രഹ പ്രഭാഷണം നടത്തും. ധർമ്മസംഘം ട്രസ്റ്റ് ജനറൽ സെക്രട്ടറി സ്വാമി ശുഭാംഗാനന്ദ സ്വാഗതം പറയും. ഷാഫി പറമ്പിൽ എം.പി, കെ.വരദരാജൻ, ഗോകുലം ഗോപാലൻ, ജി.മോഹൻദാസ്, കൗൺസിലർ ചെമ്പഴന്തി ഉദയൻ തുടങ്ങിയവർ പങ്കെടുക്കും. ആഘോഷ കമ്മറ്റി ജനറൽ കൺവീനർ അനീഷ് ചെമ്പഴന്തി നന്ദി പറയും.

ക്യാപ്ഷൻ :170-ാം മത് ശ്രീനാരായണ ഗുരുദേവ ജയന്തി ആഘോഷങ്ങൾക്ക് തുടക്കം കുറിച്ച് ശിവഗിരി ധർമ്മസംഘം ട്രസ്റ്റ് ജനറൽ സെക്രട്ടറി സ്വാമി ശുഭാംഗാനന്ദ ധർമ്മപതാക ഉയർത്തുന്നു.