തിരുവനന്തപുരം: സംസ്ഥാനത്ത് ശക്തമായ മഴ തുടരും. മദ്ധ്യ തെക്കൻ ജില്ലകളിലെ മലയോര മേഖലയിലാണ് ശക്തമായ മഴ. വടക്കൻ കർണാടകയ്ക്കും തെലുങ്കാനയ്ക്കും മുകളിലായി ചക്രവാതചുഴിയും തെക്ക് കിഴക്കൻ അറബിക്കടൽ വരെ കേരളത്തിന് മുകളിലൂടെ 1.5 കിലോമീറ്റർ ഉയരത്തിലായി ന്യൂനമർദ്ദപാത്തി എന്നിവയുടെ സ്വാധീനത്തിൽ മഴ ലഭിക്കും. ഇന്ന് എറണാകുളം,​പത്തനംത്തിട്ട,കോട്ടയം, ഇടുക്കി, ജില്ലകളിൽ ഓറഞ്ചും ആലപ്പുഴ,തൃശൂർ,​കോഴിക്കോട്,​കണ്ണൂർ ജില്ലകളിൽ യെല്ലോ അലർട്ടുമാണ്. രണ്ട് ദിവസം ശക്തമായ കാറ്റിനും സാദ്ധ്യതയുണ്ട്. കേരള കർണാടക തീരത്ത് മത്സ്യബന്ധനം പാടില്ല.