വർക്കല: കൊൽക്കത്തയിൽ വനിതാഡോക്ടർ കൊല്ലപ്പെട്ട സംഭവത്തിൽ കുറ്റക്കാർക്കെതിരെ നിയമനടപടി ആവശ്യപ്പെട്ട് കേരള വാട്ടർ അതോറിട്ടി എംപ്ലോയീസ് യൂണിയൻ വർക്കല വനിതാ സബ്കമ്മിറ്റി പ്രതിഷേധ സദസ് സംഘടിപ്പിച്ചു. വാട്ടർ അതോറിട്ടി ഓഫീസേഴ്‌സ് യൂണിയൻ നേതാവ് ദീപ്തി എസ്.ചന്ദ്രൻ ഉദ്ഘാടനം ചെയ്തു. കെ.ഡബ്ല്യൂ.ഇ.യു വനിതാ വിഭാഗം മേഖലാ കൺവീനർ ശ്രീലത.കെ അദ്ധ്യക്ഷത വഹിച്ചു. സംസ്ഥാന സെക്രട്ടേറിയറ്റ് അംഗം പ്രവീൺകുമാർ എം.ആർ, വർക്കല ബ്രാഞ്ച് പ്രസിഡന്റ് ഗോപകുമാർ.ബി, സെക്രട്ടറി സുരേഷ് ബാബു.സി,ബ്രാഞ്ച് എക്സിക്യൂട്ടീവ് അംഗം സുജിത്ത്.എസ് തുടങ്ങിയവർ സംസാരിച്ചു. ഗീതു സുഗതൻ,ശ്രീലക്ഷ്മി, ആതിര,റംല എന്നിവർ നേതൃത്വം നൽകി.