വെള്ളറട: പമ്പ്സെറ്റ് മോഷണക്കേസിലെ പ്രതി പൂവാർ കരുംകുളം മേടവിളാകം പുരയിടം വീട്ടിൽ ജിതിനെ (24 ) വെള്ളറട പൊലീസ് പിടികൂടി. നിലമാംമൂട്ടിലുള്ള ഒരു കടയിൽ നിന്ന് റിപ്പയർ ചെയ്യാൻവച്ചിരുന്ന പമ്പ്സെറ്റ് ജിതിന്റെ നേതൃത്വത്തിൽ മൂന്നംഗസംഘം മോഷ്ടിച്ച ശേഷം ഒളിവിൽ പോവുകയായിരുന്നു. പിടിയിലായ ഇയാൾ നിരവധി മോഷണക്കേസുകളിൽ പ്രതിയാണ്. മറ്റു രണ്ടുപേർ ഒളിവിലാണ്. വെള്ളറട സി.ഐ വി.പ്രസാദ്, എസ്.ഐ റസൽ രാജ്,സിവിൽ പൊലീസ് ഓഫീസർമാരായ പ്രദീപ്,പ്രഭുലചന്ദ്രൻ,കുമാർ തുടങ്ങിയവരുടെ നേതൃത്വത്തിലുള്ള പൊലീസ് സംഘമാണ് പിടികൂടിയത്. പ്രതിയെ റിമാൻഡ് ചെയ്തു.