നെടുമങ്ങാട്: പനവൂർ ഗ്രാമപഞ്ചായത്തിൽ തൊഴിലുറപ്പ് തൊഴിലാളികളുടെ സഹകരണത്തോടെ നടപ്പിലാക്കിയ ഓണക്കാല പൂക്കൃഷി - പൂവനി വിളവെടുപ്പ് ആരംഭിച്ചു. രണ്ട് ഹെക്ടർ പ്രദേശത്ത് പതിനഞ്ച് വനിതാ ഗ്രൂപ്പുകളാണ് കൃഷി ചെയ്തത്. മീന്നിലം വാർഡിൽ ദീപ്തി കുടുംബശ്രീ ഒരുക്കിയ പൂപ്പാടം കൃഷിത്തോട്ടത്തിൽ നെടുമങ്ങാട് ബ്ലോക്ക് പഞ്ചായത്ത് പ്രസിഡന്റ് വി.അമ്പിളി ഉദ്‌ഘാടനം ചെയ്തു.പഞ്ചായത്ത് പ്രസിഡന്റ് എസ്.മിനി അദ്ധ്യക്ഷത വഹിച്ചു. വൈസ് പ്രസിഡന്റ് പി.എം.സുനിൽ,മെമ്പർമാരായ പി.ലേഖ,എസ്.രാജേന്ദ്രൻ നായർ,കെ.എൽ.രമ, എസ്.കെ.ശൈല,കൃഷി ഓഫീസർ പി.കെ.സൗമ്യ,കൃഷി അസിസ്റ്റന്റ് ആർ.സജി,കുടുംബശ്രീ പ്രസിഡന്റ് എസ്.എസ്.ബിന്ദു എന്നിവർ പങ്കെടുത്തു.