തിരുവനന്തപുരം: മലയാള സിനിമാ വ്യവസായ മേഖലയിലെ മനുഷ്യാവകാശ ലംഘനം പരിശോധിക്കണമെന്ന് മനുഷ്യാവകാശ കമ്മിഷൻ ജൂഡീഷ്യൽ അംഗം കെ. ബൈജുനാഥ്. ചീഫ് സെക്രട്ടറിയും ഡി.ജി.പിയും ഹേമ കമ്മിറ്റി റിപ്പോർട്ടും പരാതിയും വിശദമായി വിലയിരുത്തി സ്വീകരിക്കാൻ ഉദ്ദേശിക്കുന്ന നടപടികളെക്കുറിച്ച് രണ്ടാഴ്ചക്കകം വിശദീകരണം സമർപ്പിക്കണമെന്ന് ബൈജുനാഥ് ആവശ്യപ്പെട്ടു. സെപ്തംബറിൽ കണ്ണൂർ ഗസ്റ്റ് ഹൗസിൽ നടക്കുന്ന സിറ്റിങ്ങിൽ കേസ് പരിഗണിക്കും.