ചെന്നൈ: സിനിമാരംഗത്തെ സ്ത്രീകളുടെ പ്രശ്നങ്ങളിൽ ‘അമ്മ’ സംഘടന വളരെ ശക്തമായി ഇടപെടേണ്ട സമയമാണിതെന്ന് നടി ഉർവശി ഓർമ്മിപ്പിച്ചു. ഉന്നത സ്ഥാനത്തിരിക്കുന്നവർക്കെതിരെ ആരോപണം ഉയർന്നാൽ ആ സ്ഥാനം വേണ്ടെന്നുപറയാൻ അവർക്ക് കഴിയണമെന്നും അതാണ് പക്വതയെന്നും ഉർവശി കൂട്ടിച്ചേർത്തു.

'അമ്മയുടെ എക്സിക്യുട്ടിവ് കമ്മിറ്റി ഉടൻ വിളിച്ചുചേർക്കണം. സിനിമയിൽ മോശം അനുഭവം ഉണ്ടായവർക്കൊപ്പമാണ് ഞാനും. പുരുഷൻമാർക്കെതിരെയാണ് ആരോപണം. സിനിമയിലെ എല്ലാ മേഖലയിലുമുള്ള പുരുഷൻമാർക്ക് ഇത് അപമാനമാണ്." ഇങ്ങനെയുള്ള പുരുഷൻമാർക്കിടയിലാണോ നിങ്ങൾ ജീവിക്കുന്നത് എന്ന കാര്യം ഞെട്ടലുണ്ടാക്കുന്നതാണെന്നും ഉർവശി പറഞ്ഞു. അന്തസ്സോടെ സ്ത്രീയും പുരുഷനും ഒരുമിച്ച് കൈകോർത്താണ് നല്ല സിനിമയുണ്ടാകുന്നത്. പരാതിയുള്ളവർ രംഗത്തുവരണം. സംഘടനയായതിനാൽ നിയമപരമായി മുന്നോട്ടുപോകാൻ കഴിയില്ല എന്ന് അമ്മ പറയരുത്. ഇത്രയും കാലം സിനിമയിലുണ്ടായിട്ട് മോശമായ ഒരു നോട്ടംപോലും ഉണ്ടായിട്ടില്ലെന്ന് പറ‍ഞ്ഞാൽ അത് കള്ളമാണ്. താത്പര്യങ്ങൾക്ക് വഴങ്ങിയില്ലെങ്കിൽ ചിലർ റീ ടേക്ക് എടുപ്പിക്കും. തനിക്കും അത്തരം അനുഭവങ്ങൾ ഉണ്ടായിട്ടുണ്ടെന്നും മരിച്ചുപോയവരായതുകൊണ്ട് പറയുന്നില്ലെന്നും ഉർവശി മാദ്ധ്യമങ്ങളോട് വ്യക്തമാക്കി.

മോ​ശം​ ​അ​നു​ഭ​വം​ ​ഉ​ണ്ടാ​യി​ട്ടു​ണ്ട്:​ ​അ​ൻ​സിബ

തി​രു​വ​ന​ന്ത​പു​രം​:​ ​സി​നി​മ​യി​ൽ​ ​നി​ന്ന് ​ത​നി​ക്ക് ​മോ​ശം​ ​അ​നു​ഭ​വ​ങ്ങ​ൾ​ ​ഉ​ണ്ടാ​യി​ട്ടു​ണ്ടെ​ന്ന് ​ന​ടി​യും​ ​'​അ​മ്മ​"​ ​എ​ക്സി​ക്യു​ട്ടീ​വ് ​അം​ഗ​വു​മാ​യ​ ​അ​ൻ​സി​ബ​ ​ഹ​സ​ൻ.​ ​മോ​ശം​ ​മെ​സേ​ജ് ​അ​യ​ച്ച​യാ​ൾ​ക്ക് ​ചു​ട്ട​ ​മ​റു​പ​ടി​ ​കൊ​ടു​ത്തു.​ ​പ​രാ​തി​പ്പെ​ടാ​ൻ​ ​പോ​യി​ല്ല.​ ​എ​നി​ക്കി​ഷ്ട​പ്പെ​ടാ​ത്ത​ ​കാ​ര്യം​ ​മു​ഖ​ത്തു​നോ​ക്കി​ ​പ​റ​യു​ന്ന​ ​ആ​ളാ​ണ് ​ഞാ​ൻ​ ​–​അ​ൻ​സി​ബ​ ​പ​റ​ഞ്ഞു.
ഹേ​മ​ ​ക​മ്മി​റ്റി​ ​റി​പ്പോ​ർ​ട്ട് ​അ​ഞ്ച് ​വ​ർ​ഷം​ ​ലോ​കം​ ​കാ​ണാ​തി​രു​ന്ന​ത് ​വ​ലി​യ​ ​തെ​റ്റാ​ണ്.​ ​സ്ത്രീ​ക​ൾ​ ​അ​നു​ഭ​വി​ച്ച​ ​വേ​ദ​ന​യാ​ണ് ​ആ​ ​പേ​ജു​ക​ളി​ലു​ള്ള​ത്.
വേ​ദ​ന​ ​അ​നു​ഭ​വി​ച്ച​വ​ർ​ക്ക് ​നീ​തി​ ​ല​ഭി​ക്ക​ണം.​ ​ആ​രോ​പ​ണ​ ​വി​ധേ​യ​രാ​യ​വ​ർ​ക്കെ​തി​രെ​ ​തെ​ളി​വു​ക​ളും​ ​രേ​ഖ​ക​ളും​ ​ഉ​ണ്ടെ​ങ്കി​ൽ​ ​പേ​രു​ ​പു​റ​ത്തു​പ​റ​യു​ന്ന​തി​ൽ​ ​തെ​റ്റി​ല്ലെ​ന്നും​ ​അ​ൻ​സി​ബ​ ​പ​റ​ഞ്ഞു.