മേപ്പാടി: ദുരന്തമുഖത്ത് രാപ്പകലില്ലാതെ കഠിനാദ്ധ്വാനം ചെയ്ത സേനാംഗങ്ങൾക്ക് ബീനാച്ചി ഹൈസ്‌കൂൾ അധികൃതർ സ്വീകരണം നൽകി. ദുരന്തമുഖത്തെ പുഴയ്ക്ക് കുറുകെ മണിക്കൂറുകൾക്കുള്ളിൽ ബെയ്ലി പാലം നിർമ്മിച്ച് രക്ഷാപ്രവർത്തനം എളുപ്പമാക്കിയ മദ്രാസ് എൻജിനിയറിംഗ് ഗ്രൂപ്പിലെ എൻജിനിയർ മേജർ സീതാ ഷെൽകെ, സുബേദാർ മേജർ ബാബു എന്നിവരുൾപ്പെട്ട ഇന്ത്യൻ സേനയ്ക്കാണ് സ്വീകരണം നൽകിയത്. വിദ്യാർത്ഥികൾ , അദ്ധ്യാപകർ, പി.ടി.എ നാട്ടുകാർ എന്നിവരാണ് സേനയെ അഭിനന്ദിച്ച് ചടങ്ങ് നടത്തിയത്. ബീനാച്ചി സ്‌കൂളിലെ പൂർവ വിദ്യാർത്ഥിയും, സൈനികനുമായ ബിനീഷിന്റെയും അത്തിമരത്തണലിൽ പൂർവ വിദ്യാർത്ഥി കൂട്ടായ്മയുമാണ് സ്വീകരണത്തിന് നേതൃത്വം നൽകിയത്. പ്രധാനദ്ധ്യാപകൻ റ്റി.ജി . സജി,
പിടിഎ പ്രസിഡന്റ് എസ് .കൃഷ്ണകുമാർ, കെ. അസൈനാർ, അദ്ധ്യാപകരായ സാബു ,ബിനോ , ദിവ്യ , അനിത ചെറുപുഷ്പം , സതീശൻ , അരുൺകുമാർ ഫൈസൽ , ശിവശങ്കരൻ എന്നിവരും പൂർവ വിദ്യാർത്ഥി കൂട്ടായ്മയുടെ അംഗങ്ങളായ പി.കെ. നിഷാദ് , എ.പി.ആബിദ് , കെ.ജി. ബിജേഷ് , എം.ഷെമീർ, എ.കെ.റഫീഖ്, എം.സി.ഇഖ്ബാൽ , ഫിറോസ് ഖാൻ, കെ.റഫീഖ്, പ്രിയ, സുജിത , ഹൈറുന്നിസ തുടങ്ങിയവർ പങ്കെടുത്തു