കായംകുളം : ബൈക്കുകൾ കൂട്ടിയിടിച്ചുണ്ടായ അപകടത്തിൽ യുവാവ് മരിച്ചു. കൃഷ്ണപുരം ഞക്കനാൽ വായനശാലയ്ക്ക് സമീപം രഞ്ജിത്ത് ഭവനത്തിൽ രഞ്ജിത്ത് മോഹൻ (37) ആണ് മരിച്ചത്. ഒപ്പം യാത്ര ചെയ്തിരുന്ന ഞക്കനാൽ തങ്കയതിൽ തറയിൽ ഗോപേഷ് കൃഷ്ണനെ (34) പരുക്കുകളോടെ പരുമലയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ രാത്രി 9.30 ന് ചിറക്കടവം കാവടിപാലത്തിന് സമീപമായിരുന്നുഅപകടം. പരുക്കേറ്റ മറ്റൊരാളെ ആലപ്പുഴ മെഡിക്കൽ കോളേജിൽ പ്രവേശിപ്പിച്ചു. രഞ്ജിത്ത് സൗദിയിലാണ് ജോലി ചെയ്തിരുന്നത്. അവധിക്ക് നാട്ടിൽ എത്തിയതാണ്. ഭാര്യ: വീണ. മകൻ:നന്ദു.