‌ഹരിപ്പാട്: മൂന്ന് മാസം മുമ്പ് നൽകിയ നെല്ലിന്റെ വില പൂർണമായും നൽകുവാൻ തയാറാകാത്ത സ്റ്റേറ്റ് ബാങ്ക് ഒഫ് ഇന്ത്യ നിലപാടിലും കർഷക സമൂഹത്തോട് കാണിക്കുന്ന തികഞ്ഞ അവഗണയിലും പ്രതിഷേധിച്ചുക്കൊണ്ട് കർഷക കോൺഗ്രസ്‌ ഹരിപ്പാട് നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ പള്ളിപ്പാട് എസ്.ബി.ഐ ശാഖയ്ക്ക് മുമ്പിൽ ധർണാ സമരം നടത്തി. സമരം കർഷക കോൺഗ്രസ്‌ സംസ്ഥാന വൈസ് പ്രസിഡന്റ്‌ മുഞ്ഞിനാട്ട് രാമചന്ദ്രൻ ഉദ്ഘാടനം ചെയ്തു. കർഷക കോൺഗ്രസ്‌ നിയോജക മണ്ഡലം പ്രസിഡന്റ്‌ ബിജു തണൽ അദ്ധ്യക്ഷനായി. ജില്ലാ പഞ്ചായത്ത്‌ പ്രതിപക്ഷ നേതാവ് ജോൺ തോമസ് മുഖ്യ പ്രഭാഷണം നടത്തി. ഡി.സി.സി ജനറൽ സെക്രട്ടറി അഡ്വ.വി.ഷുക്കൂർ, കർഷക കോൺഗ്രസ്‌ സംസ്ഥാന ജനറൽ സെക്രട്ടറി ചിറപ്പുറത്തു മുരളി, സംസ്ഥാന സെക്രട്ടറി ഇല്ലത്തു ശ്രീകുമാർ, കെ. എം. രാജു, സജു പൊടിയൻ, വയലിൽ സന്തോഷ്‌, ശ്രീദേവി, ഷംല, റ്റി. ചന്ദ്രൻ, വേണു. കെ. നായർ കർഷക കോൺഗ്രസ് മണ്ഡലംപ്രസിഡന്റ് റെജി ഉമ്മൻ എന്നിവർ സംസാരിച്ചു.