ആലപ്പുഴ : കേരളത്തിന്റെ നെല്ലു സംഭരണ ​​പ്രക്രിയയിൽ കാര്യമായ പുരോഗതി കൊണ്ടുവരുന്നതിനായി രൂപീകരിച്ച ബേബി കമ്മിറ്റി റിപ്പോർട്ട് ഉടൻ പുറത്തുവിടണമെന്ന് കൊടിക്കുന്നിൽ സുരേഷ് എം.പി ആവശ്യപ്പെട്ടു. കർഷകരുടെ സാമ്പത്തിക വെല്ലുവിളികൾ പരിഹരിക്കുന്നതിനും സംഭരണ ​​സമ്പ്രദായത്തിന്റെ കാര്യക്ഷമത മെച്ചപ്പെടുത്താനുമായി രൂപംകൊടുത്ത സമിതിയുടെ ശുപാർശകൾ നടപ്പാക്കുന്നതിലെ സർക്കാർ നിഷ്‌ക്രിയത്വം ഉത്കണ്ഠാജനകമാണ്. റിപ്പോർട്ടിന്മേൽ സർക്കാർ നടപടിയെടുക്കാത്തത് കർഷക സമൂഹത്തോടുള്ള കടുത്ത അവഗണനയാണ് പ്രതിഫലിപ്പിക്കുന്നതെന്നും അദ്ദേഹം പറഞ്ഞു.

സമിതിയുടെ നിർദേശങ്ങൾ അടിയന്തരമായി നടപ്പാക്കിയില്ലെങ്കിൽ കേരളത്തിലെ നെൽകൃഷിയുടെ ഭാവി അപകടത്തിലാകുമെന്നും കൊടിക്കുന്നിൽ കൂട്ടിച്ചേർത്തു.