മുഹമ്മ: നബിദിനത്തിന് സ്നേഹ വിരുന്നൊരുക്കി മണ്ണഞ്ചേരി പൊന്നാട് മാനവ സൗഹൃദ വേദി. നബിദിനാഘോഷത്തിന്റെ ഭാഗമായി

പ്രദേശത്തെ വിവിധ ജന വിഭാഗങ്ങളിലുള്ളവരുടെ വീടുകളിൽ ഉച്ച ഭക്ഷണം എത്തിച്ച് നൽകിയാണ് സൗഹൃദ വേദി നബിദിനാഘോഷ പരിപാടി വ്യത്യസ്തമാക്കിയത്. പൊന്നാട് പള്ളിമുക്ക് ജംഗ്ഷനിൽ സംഘടിപ്പിച്ച ചടങ്ങിൽ നിസാർ പറമ്പൻ അദ്ധ്യക്ഷനായി. മഹല്ല് പ്രസിഡന്റ് എ.മുഹമ്മദ് കുഞ്ഞ്

ഉദ്ഘാടനം നിർവഹിച്ചു. സൗഹൃദ വേദി ജനറൽ സെക്രട്ടറി അബ്ദുൽ കലാം ആസാദ് സ്വാഗതം പറഞ്ഞു. ജില്ലാ പഞ്ചായത്ത് അംഗം ആർ. റിയാസ് വിതരണ ഉദ്ഘാടനവും വാർഡ് അംഗം കെ.എസ്. ഹരിദാസ് ആമുഖ പ്രഭാഷണവും ഡി.സി.സി വൈസ് പ്രസിഡന്റ് കെ.വി. മേഘനാഥൻ മുഖ്യ പ്രഭാഷണവും നിർവ്വഹിച്ചു. മുസ്‌ലിംലീഗ് പ്രതിനിധി അബ്ദുള്ള വാഴയിൽ, എസ്.എൻ.ഡി.പി യോഗം പ്രതിനിധി കെ.ഡി ചന്ദ്രദാസ്, കെ.പി.എം.എസ് പ്രതിനിധി രാജു മാപ്പിളതൈ, ധീവര സഭ പ്രതിനിധി രാജേന്ദ്രൻ, വേലർ മഹാസഭ പ്രതിനിധി രഞ്ജിത് ബാബു, കാത്തലിക് ഫെഡറേഷൻ പ്രതിനിധി കുര്യച്ചൻ നടുവിലച്ചിറ, നാസർ മംഗലപ്പള്ളി, അബ്ദുൽ സലാംചാലങ്ങാടി തുടങ്ങിയവർ സംസാരിച്ചു. സിയാദ് നെല്ലിക്കൽ, ബിനാസ് കലാം, ഷിഹാബ് തിരുവോണം, ഷമീർ ഞാറവേലി, ഷുക്കൂർ കറ്റാണം, സാദത്ത് ആശാൻ, അഫ്സൽ കളത്തിൽ, നിസാർ തിരുവോണം, നവാസ് ഞാറവേലി, എൻ.എ.എം ഫൈസി, സിയാദ് ഞാറവേലി തുടങ്ങിയവർ നേതൃത്വം നൽകി.