ചേർത്തല: ദേശീയപാതയി​ൽ സൈക്കിൾ യാത്രക്കാരൻ മിനി ലോറിയിടിച്ച് മരിച്ചു. കഞ്ഞിക്കുഴി പഞ്ചായത്ത് 7ാം വാർഡ് കൂറ്റുവേലി രേവതിയിൽ ഭുവനചന്ദ്രൻനായർ (72) ആണ് മരിച്ചത്. തിങ്കളാഴ്ച ഉച്ചയ്ക്ക് രണ്ട് മണിയോടെ ന്യൂരാജസ്ഥാൻ മാർബിൾസിന് സമീപമായി​രുന്നു അപകടം.കണിച്ചുകുളങ്ങരയിൽ നിന്ന് ഭക്ഷണം വാങ്ങി വീട്ടിലേയ്ക്ക് മടങ്ങുകയായി​രുന്ന ഭുവനചന്ദ്രൻനായരെ മി​നി​ലോറി​ ഇടി​ക്കുകയായി​രുന്നു. ഉടൻ ചേർത്തലയിലെ സ്വകാര്യ ആശുപത്രിയിൽ എത്തിച്ചെങ്കിലും 3 മണിയോടെ മരിച്ചു. മൃതദേഹം ആലപ്പുഴ മെഡിക്കൽ കോളേജ് ആശുപത്രി മോർച്ചറിയിൽ. സംസ്കാരം ഇന്ന് വീട്ടുവളപ്പിൽ. ഓട്ടോ കാസ്റ്റിലെ മുൻ ജീവനക്കാരനാണ്. ഭാര്യ:ശോഭ. മക്കൾ:വിപിൻ (ഡൽഹി),വിനീത (ബംഗളൂരു).മരുമകൾ:ആര്യ (നഴ്സ്,കടപ്പുറം ആശുപത്രി, ആലപ്പുഴ), ജയപ്രകാശ് (ബംഗളൂരു).മാരാരിക്കുളം പൊലീസ് കേസെടുത്തു.