ചേപ്പാട് : കേരള സ്റ്റേറ്റ് സർവീസ് പെൻഷണേഴ്സ് അസോസിയേഷൻ (കെ.എസ്.എസ്.പി.എ) ചേപ്പാട് മണ്ഡലം സമ്മേളനവും ഭാരവാഹികളുടെ തിരഞ്ഞെടുപ്പും അംഗത്വവിതരണവും മുട്ടം ഇന്ദിരാഭവനിൽ നടന്നു. മണ്ഡലം കോൺഗ്രസ്‌ കമ്മിറ്റി പ്രസിഡന്റ് പ്രൊഫ. ഡോ. ബി ഗിരീഷ്കുമാർ സമ്മേളനം ഉദ്ഘാടനം ചെയ്തു. യൂണിറ്റ് പ്രസിഡന്റ് രാജൂ സൂര്യസായി അദ്ധ്യക്ഷനായി. സംസ്ഥാന കമ്മിറ്റി അംഗം വിജയൻ മുതുകുളം, ജില്ലാ ട്രഷറർ ജി.പ്രകാശൻ, നിയോജക മണ്ഡലം പ്രസിഡന്റ്‌ ബി.ചന്ദ്രൻ, നിയോജക മണ്ഡലം സെക്രട്ടറി ആർ.ഗോപകുമാർ, ജില്ലാ നേതാക്കളായ ശാർങ്ധരൻ, രഘുവരൻ എന്നിവർ സംസാരിച്ചു. മണ്ഡലം ഭാരവാഹികളായി രാജു സൂര്യസായി (പ്രസിഡന്റ്), കെ.ഗീത (വൈസ് പ്രസിഡന്റ്), സുമംഗല (സെക്രട്ടറി), അശ്വതി റാണി (ട്രഷറർ) എന്നിവരെ തിരഞ്ഞെടുത്തു.