മാവേലിക്കര: ഓണാട്ടുകര സർഗ്ഗവസന്തം പത്താം പതിപ്പ് കഥകളി നടൻ ചെന്നിത്തല ചെല്ലപ്പൻപിള്ള അനുസ്മരണമായി 28ന് വൈകിട്ട് 3ന് എ.ആർ.സ്മാരകത്തിൽ നടക്കും. ചെന്നിത്തല ചെല്ലപ്പൻപിള്ളയുടെ മകൻ സി.അംബുജാക്ഷൻനായർ അനുസ്മരണ സമ്മേളനം ഉദ്ഘാടനം ചെയ്യും. സമിതി പ്രസിഡന്റ് ഡോ.മധു ഇറവങ്കര അദ്ധ്യക്ഷനാകും. ഡോ.ഏവൂർ മോഹൻദാസ് അനുസ്മരണ പ്രഭാഷണം നടത്തും. ചെന്നിത്തല ചെല്ലപ്പൻപിള്ളയുടെ ഛായാചിത്രം ആർട്ടിസ്റ്റ് പ്രസാദ് ദൊരസ്വാമിയിൽ നിന്ന് ഡോ.മധു ഇറവങ്കര സ്വീകരിക്കും. സെക്രട്ടറി സുരേഷ് വർമ്മ പ്രസാദ് ദൊരസ്വാമിയെ ആദിരിക്കും.

കാവ്യം സുഗേയം കാവ്യാഞ്ജലിയിൽ ഉഷ അനാമി സ്വന്തം കവിത അവതരിപ്പിക്കും. പ്രസാദ് ശ്രീധറിന്റെ ഓർമ്മത്തീവ് എന്ന കൃതി പ്രൊഫ.വി.രാധാമണിക്കുഞ്ഞമ്മ വിശകലനം ചെയ്യും.ഡൊണർ അംഗമായ ഡോ.ഉമ്മൻ പി.ഏബ്രഹാമിനെ പ്രോഗ്രാം കോ-ഓർഡിനേറ്റർ ബിനു തങ്കച്ചൻ പരിചയപ്പെടുത്തും. രക്ഷാധികാരി പ്രൊഫ.മാമ്മൻ വർക്കി ഉമ്മൻ പി.ഏബ്രഹാമിനെ ആദരിക്കുമെന്ന് പ്രോഗ്രാം കൺവീനർ ജോർജ് തഴക്കര അറിയിച്ചു.