ന്യൂഡൽഹി: ഇ.പി. ജയരാജനെ വധിക്കാൻ ഗൂഢാലോചന നടത്തിയെന്ന കേസിൽ കെ.പി.സി.സി അദ്ധ്യക്ഷൻ കെ. സുധാകരൻ എം.പിയെ കുറ്റവിമുക്തനാക്കിയ ഹൈക്കോടതി വിധി ശരിവച്ച് സുപ്രീംകോടതി. ഹൈക്കോടതി വിധി ചോദ്യം ചെയ്‌ത് സംസ്ഥാന സർക്കാർ നൽകിയ അപ്പീൽ ജസ്റ്രിസുമാരായ വിക്രംനാഥ്,​ പ്രസന്ന ബി. വരാലെ എന്നിവരടങ്ങിയ ബെഞ്ച് തള്ളി. ഹൈക്കോടതി വിധിയിൽ പിഴവുണ്ടെന്നും സുധാകരനെതിരെ തെളിവുണ്ടെന്നും ചൂണ്ടിക്കാട്ടിയാണ് അപ്പീൽ നൽകിയത്. 1995 ഏപ്രിൽ 12ന് ഇ.പി. ജയരാജനെ രാജധാനി എക്‌സ്‌പ്രസിൽ വെടിവച്ചു കൊലപ്പെടുത്താൻ ശ്രമിച്ചെന്ന കേസിലാണ് സുധാകരനെതിരെ ഗൂഢാലോചനാക്കുറ്റം ചുമത്തിയിരുന്നത്.