പെരുമ്പാവൂർ: കോൺഗ്രസിന്റെ പെരുമ്പാവൂരിലെ സമുന്നത നേതാക്കളായിരുന്ന കെ.ടി. ബോസ്, കെ.എസ്. കുഞ്ഞുമുഹമ്മദ് എന്നിവരുടെ അനുസ്‌മരണയോഗം കോൺഗ്രസ് അറക്കപ്പടി മണ്ഡലം കമ്മറ്റിയുടെ നേതൃത്വത്തിൽ നടത്തി. മണ്ഡലം പ്രസിഡന്റ് അഡ്വ. അരുൺ പോൾ ജേക്കബ് അദ്ധ്യക്ഷനായി. ഡി.സി.സി. സെക്രട്ടറി വി.എം. ഹംസ, ടി.എം. കുര്യാക്കോസ്, രാജു മാത്താറ, അലി മൊയ്ദീൻ, എൽദോ മോസസ്, മുൻ പഞ്ചായത്ത് പ്രസിഡന്റ് എൻ.ബി. ഹമീദ്, എൻ.പി. കുര്യാക്കോസ്, യു.എം. ഷമീർ എന്നിവർ സംസാരിച്ചു.