തൃപ്പൂണിത്തുറ: നാഷണൽ ആയുഷ് മിഷൻ, തൃപ്പൂണിത്തുറ നഗരസഭ, മാതൃകാ സർക്കാർ ഹോമിയോ ഡിസ്പെൻസറി എന്നിവയുടെ സംയുക്താഭിമുഖ്യത്തിൽ വയോജന ആരോഗ്യ ക്യാമ്പ് 7ന് രാവിലെ 10.30മുതൽ 1വരെ ചൂരക്കാട് ഗവ. യു.പി സ്കൂളിൽ വച്ച് നടത്തും. വയോജനങ്ങൾക്കായി ആരോഗ്യ ബോധവത്കരണ ക്ലാസ്, യോഗാപരിശീലനം, ആരോഗ്യ സ്ക്രീനിംഗ്, സൗജന്യ രക്തപരിശോധന, സൗജന്യ ഹോമിയോ മെഡിക്കൽ ക്യാമ്പ് എന്നിവ ഉണ്ടായിരിക്കും. നഗരസഭ ചെയർപേഴ്‌സൺ രമ സന്തോഷ് ഉദ്ഘാടനം ചെയ്യും. വൈസ് ചെയർമാൻ കെ.കെ. പ്രദീപ്കുമാർ, ആരോഗ്യ സ്ഥിരംസമിതി ചെയർമാൻ സി.എ. ബെന്നി, കൗൺസിലർമാർ എന്നിവർ പങ്കെടുക്കും.