കൊച്ചി: കെടാമംഗലം സർക്കാർ എൽ.പി സ്കൂളിൽ അദ്ധ്യാപികയായിരുന്ന എം.ടി. ദേവകി യെ അദ്ധ്യാപകദിനത്തോട് അനുബന്ധിച്ച് കെടാമംഗലം പപ്പുക്കുട്ടി മെമ്മോറിയൽ ലൈബ്രറിയുടെ ആഭിമുഖ്യത്തിൽ ആദരിച്ചു. ടീച്ചറിന്റെ വസതിയിൽ നടന്നചടങ്ങിൽ പറവൂർ താലൂക്ക് ലൈബ്രറി കൗൺസിൽ സെക്രട്ടറി പി.കെ. രമാദേവി, ഹെൽപ്പ് ഫോർ ഹെൽപ്പ്ലെസ് സെക്രട്ടറി ജോസഫ് പടയാട്ടി, വിനോദ് കെടാമംഗലം, ലൈബ്രറി പ്രസിഡന്റ് പി.പി. സുകുമാരൻ, സെക്രട്ടറി വി.എസ്. അനിൽ, വനിതാവേദി സെക്രട്ടറി റീന വേണുഗോപാൽ എന്നിവർ സംസാരിച്ചു.