പുതി​യ ഫ്ളാറ്റുകളുടെ തകർച്ചയ്ക്ക് പിന്നിൽ വൻ അഴിമതി

കേന്ദ്രസർക്കാർ കുറ്റക്കാരെ സംരക്ഷിക്കുന്നു

കൊച്ചി: അപകടാവസ്ഥയിൽ ഏതു നിമിഷവും നിലംപൊത്താറായ ചന്ദേർകുഞ്ച് ആർമി​ സമുച്ചയത്തി​ന്റെ അപകടാവസ്ഥ കണ്ടറിഞ്ഞ് ഹൈബി ഈഡൻ എം.പി. കേന്ദ്ര പ്രതിരോധ മന്ത്രാലയത്തിന് കീഴിലുള്ള ആർമി വെൽഫയർ ഹൗസിംഗ് ഓർഗനൈസേഷൻ

(എ.ഡബ്‌ള്യു.എച്ച്.ഒ.) വൈറ്റില, സിൽവർ സാൻഡ് ഐലൻഡിൽ ആറ് വർഷം മുമ്പാണ് ടവർ നിർമ്മിച്ചത്. എത്രയും വേഗം കെട്ടിടം പൊളി​ച്ചുനീക്കണമെന്ന് ഹൈബി​ ഈഡൻ എം.പി​. ആവശ്യപ്പെട്ടു.

പ്രതിരോധ വകുപ്പിന്റെ ഉന്നത ഉദ്യോഗസ്ഥരുടെ നേതൃത്വത്തിൽ പ്രവർത്തിക്കുന്ന എ.ഡബ്‌ള്യു.എച്ച്.ഒയ്ക്കെതി​രെ കർശന നടപടിയെടുക്കാൻ കേന്ദ്ര സർക്കാർ തയാറാകണം. മാതൃരാജ്യത്തിനായി സേവനമനുഷ്ഠിച്ച മുൻ സൈനികരെ വഞ്ചിച്ചവർക്കൊപ്പം സർക്കാരും സൈന്യവും നിലകൊള്ളുന്നതിനു പിന്നിൽ വലിയ അഴിമതിയുണ്ട്. അറ്റകുറ്റപ്പണികൾ കൊണ്ട് രണ്ടു ടവറുകളും ഇനി​ സുരക്ഷിതമാക്കാനാവി​ല്ല. ഇവ പൊളിച്ചുമാറ്റിയ പുതിയവ പണിത് നൽകണം.
നേരത്തെ ഇക്കാര്യങ്ങൾ കേന്ദ്ര പ്രതിരോധ മന്ത്രിയോട് വിഷയത്തിന്റെ ഗൗരവം ബോധ്യപ്പെട്ടിട്ടും ഒരു നടപടിയുമെടുക്കാതെ സർക്കാർ കുറ്റക്കാരെ സംരക്ഷിക്കുകയാണെന്നും ഹൈബി ഈഡൻ ആരോപി​ച്ചു.

എം.പി​ കണ്ട കാഴ്ചകൾ
പൊട്ടിപൊളിഞ്ഞ ചുവരുകൾ

 കോൺക്രീറ്റ് ഇളകി തുരുമ്പിച്ച കമ്പികൾ കാണുന്ന മേൽക്കൂര

വി​ള്ളൽവീണ ബീമുകൾ

 പാളികളായി ഇളകി വീഴുന്ന കോൺക്രീറ്റ് കഷണങ്ങൾ.

ഏതു നിമിഷവും ഇളകി വീഴാനിടയുള്ള വലിയ മാർബിൾ സ്ളാബുകൾ

 ലിഫ്റ്റിന്റെ പുറംചുമരുകളി​ലെ മാർബിൾ പലകകൾ ടേപ്പുകൾ കൊണ്ട് ഒട്ടി​ച്ചുവച്ച നി​ലയി​ൽ

തറ ഉയർന്നു വന്നതിനാൽ, വാതിലുകൾ തുറക്കാനോ അടക്കാനോ കഴിയാത്ത അവസ്ഥ

കക്കൂസ് മാലിന്യം ഉൾപ്പെടെ ലീക്കായി താഴേക്ക് ഇറങ്ങുന്നു

 ടവറുകളുടെ അപകടാവസ്ഥയെ തുടർന്ന് എത്രയും വേഗം താമസക്കാരെ ഒഴി​പ്പി​ക്കാൻ ജി​ല്ലാ ദുരന്ത നി​വാരണ അതോറി​ട്ടി​ നി​ർദ്ദേശി​ച്ചി​ട്ടും നി​യമക്കുരുക്കുകളി​ൽപ്പെട്ട് ഒഴി​പ്പി​ക്കൽ നടന്നി​ട്ടി​ല്ല.

 29 നി​ലകൾ വീതമുള്ള രണ്ട് ടവറുകളി​ലുള്ള 208 ഫ്ളാറ്റുകളി​ലെ എണ്ണൂറോളം വരുന്ന താമസക്കാർ ആശങ്കയി​ൽ

താമസക്കാരുടെ ദുരവസ്ഥ മനസി​ലായി​. കുറ്റവാളികളെ നിയമത്തിനു മുന്നിൽ എത്തിക്കാനും പ്രശ്നപരിഹാരത്തിനും വേണ്ടി​ ഇടപെടും.

ഹൈബി ഈഡൻ എം.പി