തൃപ്പൂണിത്തുറ: റെയിൽവേ ഓവർബ്രിഡ്ജ്ന് സമീപം വീടിനോട് ചേർന്ന മാവിൽ പടർന്നുകയറിയ കുരുമുളക് പറിക്കാൻ കയറിയ വൃദ്ധൻ മരത്തി​ൽ കുടുങ്ങി​. കദളിപ്പറമ്പിൽ പൗലോസാണ് (87) തിരിച്ചി​റങ്ങാൻ കഴിയാത്തവിധം 20 അടിയോളം മുകളിൽ കുടുങ്ങിയത്. സംഭവമറി​ഞ്ഞെത്തിയ തൃപ്പൂണിത്തുറ അഗ്നി​രക്ഷാസേനയിലെ എസ്.എഫ്.ആർ.ഒ ജയകുമാർ, എഫ്.ആർ.ഒമാരായ എം.ജി. ദിൻകർ, വി.എ. വിഷ്‌ണു എന്നിവർ റോപ്പിന്റെയും നെറ്റിന്റെയും സഹായത്താൽ ഏറെ പണിപ്പെട്ടാണ് പൗലോസി​നെ മരത്തിൽനിന്ന് താഴെ ഇറക്കിയത്. എഫ്.ആർ.ഒമാരായ മണികണ്ഠൻ, എ.ജി. ജിതിൻ, ഡി. മഹേഷ്‌, എച്ച്.ജി. ബാബു എന്നിവരും രക്ഷാ പ്രവർത്തനത്തിലുണ്ടായി​രുന്നു.