നെടുമ്പാശേരി: കൊച്ചി രാജ്യാന്തര വിമാനത്താവളത്തിൽ എത്തിയ യാത്രക്കാരനിൽനിന്ന് 27 ലക്ഷംരൂപ വിലവരുന്ന സ്വർണവും നാലരലക്ഷത്തിലേറെ രൂപ വിലവരുന്ന വിദേശ സിഗരറ്റുകളും കസ്റ്റംസ് പിടികൂടി. ഗൾഫിൽനിന്നെത്തിയ മലപ്പുറം തിരൂർ സ്വദേശി താജുദ്ദീനിൽ നിന്നാണ് ഇവ പിടിച്ചെടുത്തത്. ഇയാൾ 315 ഗ്രാം സ്വർണം ഗുളിക രൂപത്തിലാക്കിയും 50 ഗ്രാം സ്വർണം ചെയിൻ രൂപത്തിലാക്കിയുമാണ് ഒളിപ്പിച്ചിരുന്നത്. 26000 ത്തോളം വിദേശ സിഗരറ്റുകളും പിടിച്ചെടുത്തു.