ചോറ്റാനിക്കര; കാഞ്ഞിരമറ്റം മില്ലുങ്കലിലുള്ള ആമ്പല്ലൂർ ജനത സർവീസ് സഹകരണ ബാങ്കിന്റെ നീതി സ്റ്റോറിൽ നടന്ന കൺസ്യൂമർഫെഡിന്റെ നേതൃത്വത്തിലുള്ള സഹകരണ ഓണച്ചന്തയുടെ എറണാകുളം ജില്ലാതല ഉദ്ഘാടനം അനൂപ് ജേക്കബ് എം.എൽ.എ നിർവ്വഹിച്ചു. യോഗത്തിൽ കൺസ്യൂമർഫെഡ് വൈസ് ചെയർമാൻ അദ്ധ്യക്ഷനായി.ആദ്യ വില്പന ജില്ലാ പഞ്ചായത്ത് മെമ്പർ അനിത അനിൽകുമാർ നിർവ്വഹിച്ചു. പഞ്ചായത്ത് പ്രസിഡന്റ് ബിജു എം.തോമസ്, സ്റ്റാൻഡിംഗ് കമ്മിറ്റി ചെയർമാൻ എം.എം. ബഷീർ, ബ്ലോക്ക് പഞ്ചായത്ത് മെമ്പർ എ.പി സുഭാഷ്, സുമയ്യ ഹസൻ, ലേഖ ഷാജി, എഡ്രാക് മേഖല പ്രസിഡന്റ് കെ.എ. മുകുന്ദൻ, കുടുംബശ്രീ സി.ഡി.എസ് ചെയർപേഴ്സൺ കർണ്ണകി രാഘവൻ, ഡോക്ടർ എം.വി.കെ നമ്പൂതിരി, ആമ്പല്ലൂർ ജനത സർവീസ് സഹകരണ ബാങ്ക് ക്ലിപ്തം നമ്പർ 19 പ്രസിഡന്റ് ടി.കെ മോഹനൻ, കൺസ്യൂമർഫെഡ് റീജിയണൽ മാനേജർ ഇന്ദിര തുടങ്ങിയവർ സംസാരിച്ചു.