നെടുമ്പാശേരി: എയർ ഇന്ത്യയുടെ ലണ്ടൻ വിമാനം മുന്നറിയിപ്പില്ലാതെ റദ്ദാക്കിയതിനെ തുടർന്ന് കൊച്ചി രാജ്യാന്തര വിമാനത്താവളത്തിൽ യാത്രക്കാരുടെ പ്രതിഷേധം. ഇന്നലെ രാവിലെ 10.30ന് കൊച്ചിയിലെത്തി 12.25ന് തിരിച്ചുപോകേണ്ട വിമാനമാണ് റദ്ദാക്കിയത്.

സാങ്കേതിക കാരണങ്ങളാൽ വിമാനം ലണ്ടനിൽ നിന്നെത്തിയില്ല. ഈ വിമാനത്തിൽ ഇവിടെ നിന്ന് 250 യാത്രക്കാരാണ് പോകേണ്ടിയിരുന്നത്. വിദ്യാർത്ഥികളും പ്രായമായവരും ഉൾപ്പെടെയുള്ളവർ വലഞ്ഞു. പ്രതിഷേധത്തെ തുടർന്ന് ചില യാത്രക്കാരെ മുംബയ് വഴിയുള്ള വിമാനത്തിൽ ലണ്ടനിലേക്ക് അയച്ചു. ബാക്കിയുള്ളവരെ ഹോട്ടലുകളിലേക്ക് മാറ്റി. ഇവരിൽ ചിലരെ ഇന്ന് പുലർച്ചെ മുംബായ് വഴി കൊണ്ടുപോകും. ബാക്കിയുള്ളവരെ കൊച്ചിയിൽ നിന്ന് ചൊവ്വാഴ്ച പുറപ്പെടുന്ന വിമാനത്തിൽ കൊണ്ടുപോകാമെന്നാണ് അറിയിച്ചിരിക്കുന്നത്.