കിഴക്കമ്പലം: കിഴക്കമ്പലം സെന്റ് ജോസഫ്സ് ഹയർ സെക്കൻഡറി സ്കൂളിൽ ദശവാർഷിക ആഘോഷങ്ങളുടെ ഭാഗമായി സംഘടപ്പിച്ച ഇന്റർ സ്‌കൂൾ ക്വിസ് മത്സരം സ്കൂൾ മാനേജർ റവ.ഫാ. ഫ്രാൻസിസ് അരീക്കൽ ഉദ്ഘാടനം ചെയ്തു. പ്രിൻസിപ്പൽ സോയി കളമ്പാട്ട്, പി.ടി.എ പ്രസിഡന്റ് നിബു ജേക്കബ്, ക്വിസ് മാസ്​റ്റർ ചൈതന്യ കുമാർ ആചാര്യ, ക്വിസ് കോ ഓഡിനേ​റ്റർ റീന ജോസഫ്, പൂർവ വിദ്യാർത്ഥി സംഘടന പ്രസിഡന്റ് ക്രിസ്​റ്റഫർ എന്നിവർ സംസാരിച്ചു. ജില്ലയിലെ 25 സ്കൂളുകളിൽ നിന്ന് വിദ്യാർത്ഥികൾ പങ്കെടുത്തു. വൈറ്റില ടോക് എച്ച് പബ്ളിക് സ്കൂൾ ഒന്നും കിഴക്കമ്പലം സെന്റ് ആന്റണീസ് പബ്ളിക് സ്കൂൾ രണ്ടും താമരച്ചാൽ സെന്റ് മേരീസ് പബ്ളിക് സ്കൂൾ മൂന്നും സ്ഥാനങ്ങൾ നേടി.