ആലുവ: തോട്ടുമുഖം ക്രൈസ്തവ മഹിളാലയം പബ്ലിക് സ്‌കൂളിന്റെ ഒരു വർഷം നീണ്ടുനിന്ന രജത ജൂബിലി ആഘോഷങ്ങളുടെ സമാപനം ഐ.എസ്.ആർ.ഒ എൽ.പി.എസ്.സി അസോസിയേറ്റ് ഡയറക്ടർ ആർ. ഹട്ടൻ ഉദ്ഘാടനം ചെയ്തു. രജത ജൂബിലി ആഘോഷത്തിന്റെ ഭാഗമായി പ്രസിദ്ധീകരിച്ച സ്മരണിക 'രജത സ്മൃതി' ബെന്നി ബഹന്നാൻ എം.പി പ്രകാശിപ്പിച്ചു. സ്‌കൂൾ എക്‌സിക്യൂട്ടിവ് ട്രസ്റ്റി ജോൺ മിനു മാത്യു അദ്ധ്യക്ഷയായി. കീഴ്മാട് ഗ്രാമപഞ്ചായത്ത് പ്രസിഡന്റ് സതി ലാലു, സ്‌കൂൾ സെക്രട്ടറി മേരി ജേക്കബ്, ഡോ. ഫിലിപ്പ് ചെറിയാൻ, ദീപു എബി ജോൺ, സി.എസ്. ജോണി, എലിസബത്ത് മാണി, സൗഫിയ സിദ്ദിഖ് എന്നിവർ പ്രസംഗിച്ചു.