മൂവാറ്റുപുഴ: വയനാട് ദുരന്തബാധിതർക്ക് കൈത്താങ്ങായി സൗത്ത് മാറാടി ഗവ. യു.പി സ്കൂൾ സമാഹരിച്ച തുക ജില്ല കലക്ടർ എൻ.എസ്.കെ ഉമേഷിന് കൈമാറി. കുട്ടികളും അദ്ധ്യാപകരും പി.ടി.എയും ചേർന്ന് സമാഹരിച്ച തുകയും ഓണാഘോഷത്തിനായി കരുതിയ തുകയും ഉൾപ്പെടെ 50,000 രൂപയാണ് നൽകിയത്. പ്രധാനാദ്ധ്യാപിക എം. എം. ബിന്ദു, സ്കൂൾ ലീഡർ അർജുൻ പ്രസാദ് എന്നിവരാണ് കലക്ടർക്ക് ചെക്ക് കൈമാറിയത്. സീനിയർ അസിസ്റ്റന്റ് റോൾജി ജോസഫ്, കുട്ടികളുടെ പ്രതിനിധികളായ ജെസ്വിൻ ജോയി, ശ്രേയ ജയരാജ്, ഇസ കെ. ജിജോ, പി.ടി.എ പ്രസിഡന്റ് അനൂപ് തങ്കപ്പൻ, എം.പി.ടി.എ പ്രസിഡന്റ് ഷിനി ജോയി, വാർഡ് മെമ്പർ ജെയ്സ് ജോൺ എന്നിവർ സന്നിഹിതരായി.