കാലടി: സർവമത സമ്മേളന ശതാബ്ദി ആഘോഷങ്ങളുടെ ഭാഗമായി കാലടി എസ്.എൻ.ഡി.പി ലൈബ്രറിയിൽ നടന്ന ശ്രീനാരായണ ധർമ്മ സമീക്ഷ ദശദിന പ്രഭാഷണ പരമ്പര സമാപിച്ചു. എറണാകുളം ജില്ലാ ലൈബ്രറി കൗൺസിൽ സെക്രട്ടറി എം.ആർ. സുരേന്ദ്രൻ സമാപന സമ്മേളനം ഉദ്ഘാടനം ചെയ്തു. കാലടി ശ്രീശങ്കരാചാര്യ സംസ്കൃത സർവകലാശാല സംസ്കൃത സാഹിത്യ വിഭാഗം മേധാവി ഡോ. കെ.വി. അജിത്കുമാർ അദ്ധ്യക്ഷനായി. ഗുരുവിന്റെ ധർമ്മസങ്കല്പം എന്ന വിഷയത്തിൽ ഡോ. കെ.എം. സംഗമേശൻ പ്രഭാഷണം നടത്തി. എസ്.എൻ.ഡി.പി കാലടി ശാഖ യോഗം സെക്രട്ടറി സുകുമാരൻ അലങ്കശേരി, ലൈബ്രറി വൈസ് പ്രസിഡന്റ് എം.വി. ജയപ്രകാശ്, ബാല ആങ്കാരത്ത് എന്നിവർ സംസാരിച്ചു. ഡോ. ധർമ്മരാജ് അടാട്ട്, ഫാ. അനിൽ ഫിലിപ്പ്, ഡോ. കുഞ്ഞുമുഹമ്മദ് പുലവത്ത്, ഡോ. എം.വി. നടേശൻ, രമേശ് കൈതപ്രം, ഐവർകാല രവികുമാർ, ഡോ. എ.കെ. പ്രമീള, ഡോ. എസ്. ഷീബ എന്നിവർ വിവിധ വിഷയങ്ങളിൽ പ്രഭാഷണങ്ങൾ നടത്തി.