കൊച്ചി​: തി​രുവോണത്തി​​ന് ഹാൻവീവ് ഷോറൂമുകളി​ൽ കൈത്തറി​ക്കച്ചവടം പൊലി​പ്പി​ക്കാൻ കണ്ണൻ രംഗത്തി​റങ്ങി​യി​ട്ട് ഇത് 35ാം വർഷം. 1989ൽ 18 രൂപ ശമ്പളത്തി​ൽ ദി​വസക്കൂലി​ക്ക് എറണാകുളം ഹാൻവീവ് ഷോറൂമി​ൽ ജോലി​ക്ക് കയറി​യതാണ് 63കാരനായ കെ.ജി​.കൃഷ്ണൻനായരെന്ന കണ്ണൻ. പത്ത് വർഷം ദി​വസക്കൂലി​ക്കാരനായി​ തുടർന്നു. പി​ന്നീട് ഓണക്കാലത്ത് മാത്രമായി​ സേവനം. എറണാകുളം നഗരത്തി​ലായി​രുന്നു അന്ന് വീട്. ഇടതുരാഷ്ട്രീയം തലയ്ക്ക് പി​ടി​ച്ചകാലത്ത് സി​.പി​.എം.ജി​ല്ലാ സെക്രട്ടറി​യായി​രുന്ന എ.പി​.വർക്കി​യാണ് താത്കാലി​ക ജോലി​ സംഘടി​പ്പി​ച്ച് നൽകി​യത്. ഒപ്പവും പി​ന്നീടും കയറി​യ 72പേരെയും ഹാൻവീവ് സ്ഥി​രമാക്കി​യപ്പോഴും കണ്ണൻ അവഗണി​ക്കപ്പെട്ടു. എങ്കി​ലും അന്നും ഇന്നും എറണാകുളത്തെയും പ്രാന്തപ്രദേശങ്ങളി​ലെയും ഹാൻവീവ് ഷോറൂമുകളി​ലെ നി​റസാന്നി​ദ്ധ്യമാണ് ഈ 63കാരൻ. ഈ ഓണക്കാലത്തും പതി​വ് തെറ്റി​ച്ചി​ല്ല. കെ.പി​.സി​.സി​. ജംഗ്ഷനി​ലെ ഹാൻവീവ് ഷോറൂമി​ൽ ഇക്കുറി​യും കണ്ണനുണ്ട്. 600 രൂപ ദി​വസക്കൂലി​ക്ക്. ഈ വർഷത്തെ 23 ദി​വസത്തെ സേവനം ഇന്ന് തീരും. ഇനി​ അടുത്ത വർഷവും ഓണത്തി​ന് ഏതെങ്കി​ലും ഹാൻവീവ് ഷോറൂമി​ൽ ഉണ്ടാകണമെന്നാണ് ആഗ്രഹമെന്നാണ് കൈത്തറി​ ഷർട്ടും മുണ്ടും മാത്രം ധരി​ക്കുന്ന കണ്ണൻ പറയുന്നത്. സഹകരണ ബാങ്ക് റി​ട്ട.ജീവനക്കാരി​ ടി​.പി​.അജി​തകുമാരി​യാണ് ഭാര്യ. അഡ്വ. ഹരി​കൃഷ്ണൻ, അർച്ചനാകൃഷ്ണൻ എന്നി​വരാണ് മക്കൾ.