കൂത്താട്ടുകുളം: തിരുമാറാടി ഗ്രാമപഞ്ചായത്തിലെ വിവിധ ലൈബ്രറികളിലേക്കും സ്കൂളിലേക്കും ഖത്തർ ടെക് എം.ഡി ജെബി കെ. ജോൺ പുസ്തകങ്ങൾ വിതരണം ചെയ്തു. കുട്ടികൾക്ക് വായനാശീലം വളർത്തുന്നതിനും അവരെ വിജയത്തിലേക്ക് നയിക്കുന്നതിനും ഡോ. അമാനുല്ല വടക്കാങ്ങര എഴുതിയ വിജയ മന്ത്രങ്ങൾ ആറു വോളിയം പുസ്തകങ്ങൾ ആണ് വിതരണം നടത്തിയത്. ഗ്രാമപഞ്ചായത്ത് വികസനകാര്യ സ്ഥിരം സമിതി അദ്ധ്യക്ഷ അനിത ബേബി,​ അദ്ധ്യാപകരായ കെ.കെ. എസ്സി, സുധീർ എയ്ഞ്ചൽ പൗലോസ് , വിനോദ് ശ്രീധരൻ,​ കാക്കൂർ ഗ്രാമീണ വായനശാല സെക്രട്ടറി വർഗീസ് മാണി,​ മണ്ണത്തൂർ ലൈബ്രറി സെക്രട്ടറി പി.വി. കുര്യാക്കോസ് എന്നിവർ സംസാരിച്ചു.