ചോറ്റാനിക്കര: ആർ.ജെ.ഡി പിറവം നിയോജകമണ്ഡലം കമ്മറ്റി ഓണക്കിറ്റ് വിതരണം നടത്തി. പിറവം നിയോജകമണ്ഡലം ഓഫീസിൽ ചേർന്ന യോഗത്തിൽ നിയോജക മണ്ഡലം പ്രസിഡന്റ് പി.ജി. പ്രശാന്ത് അദ്ധ്യക്ഷത വഹിച്ചു. ജില്ലാ സെക്രട്ടറി പി.വി. ദുർഗ്ഗാ പ്രസാദ് യോഗം ഉദ്ഘാടനം ചെയ്തു. മുതിർന്ന മഹിളാ ജനതാ പ്രവർത്തക ശാന്ത അയ്യപ്പൻ ഓണക്കിറ്റ് ഏറ്റുവാങ്ങി. കണ്ണമ്മ, പി.പി സുനിൽകുമാർ, രാമചന്ദ്രൻ, ബിന്ദു, ബിനോയ്, സിജു സാം തോമസ് എന്നിവർ സംസാരിച്ചു.