ആലുവ: വീടിന്റെ മേൽക്കൂര നിർമ്മാണത്തിനിടെ രണ്ടാംനിലയിൽനിന്ന് വീണ് പരിക്കേറ്റ് ചികിത്സയിലായിരുന്ന യുവാവ് മരിച്ചു. കുന്നത്തേരി അയ്യങ്കേരി കോളനിയിൽ അയ്യങ്കേരിവീട്ടിൽ രാജന്റെ മകൻ എ.ആർ. രാകേഷാണ് (37) മരിച്ചത്.

കഴിഞ്ഞ ഒമ്പതിന് ഇടപ്പള്ളിയിലെ ഒരു വീടിന് മുകളിൽ ജോലി​ ചെയ്യുന്നതിനിടെയാണ് വീണത്. എറണാകുളം മെഡിക്കൽ ട്രസ്റ്റ് ആശുപത്രിയിലും പിന്നീട് കോട്ടയം മെഡിക്കൽ കോളേജിലും തീവ്രപരിചരണ വിഭാഗത്തിലായിരുന്നു. ഇന്നലെ പുലർച്ചെയാണ് മരി​ച്ചത്.

മാതാവ്: ഉഷ. സഹോദരങ്ങൾ: രാജേഷ്, രാജീവ്, രാജേശ്വരി.