കൊച്ചി: പ്രശസ്ത മാദ്ധ്യമപ്രവർത്തകനായിരുന്ന കെ.എം. റോയിയുടെ മുന്നാം ചരമ വാർഷികമായ 18ന് അനുസ്മരണം സംഘടിപ്പിക്കും. കെ.എം റോയ് ഫൗണ്ടേഷൻ ഫോർ മീഡിയ, ചാവറ കൾച്ചറൽ സെന്ററിന്റെ സഹകരണത്തോടെ ചാവറ കൾച്ചറൽ സെന്റർ ലൈബ്രറി ഹാളിൽ വൈകിട്ട് 5നാണ് അനുസ്മരണം.

പ്രൊഫ.എം.കെ സാനു ചടങ്ങ് ഉദ്ഘാടനം ചെയ്യും. അഡ്വ. തമ്പാൻ തോമസ് അനുസ്മരണ പ്രഭാഷണം നടത്തും. പ്രൊഫ. കെ.വി തോമസ്, എറണാകുളം പ്രസ് ക്ലബ് പ്രസിഡന്റ് ആർ. ഗോപകുമാർ, സീനിയർ ജേണലിസ്റ്റ്സ് ഫോറം ജില്ലാ പ്രസിഡന്റ് ആർ.എം ദത്തൻ എന്നിവർ ചടങ്ങിൽ പ്രസംഗിക്കും.