കുന്നത്തുനാട്: വിശ്വകർമ്മ സമൂഹത്തിന്റെ പ്രശ്‌നങ്ങൾ പഠിച്ച് പരിഹാരനിർദ്ദേശങ്ങൾ സമർപ്പിക്കാൻ ഉമ്മൻചാണ്ടി സർക്കാർ നിയോഗിച്ച ശങ്കരൻ കമ്മീഷൻ റിപ്പോർട്ട് പുറത്തുവിടണമെന്ന് ബെന്നി ബഹനാൻ എം.പി ആവശ്യപ്പെട്ടു. വിശ്വകർമ്മദിനാചരണം ഉദ്ഘാടനം ചെയ്യുകയായിരുന്നു ബെന്നി ബഹനാൻ. കേരളത്തിലെ ജനസംഖ്യയുടെ എട്ടു ശതമാനമായ സമൂഹത്തിന്റെ പ്രശ്‌നങ്ങൾ പരിഹരിക്കാൻ ഉമ്മൻചാണ്ടി സർക്കാർ നിയോഗിച്ച കമ്മറ്റിയുടെ റിപ്പോർട്ട് എട്ടര വർഷമായി സംസ്ഥാന സർക്കാർ പൂഴ്ത്തി വച്ചിരിക്കുകയാണ്. സമുദായത്തിന് ലഭ്യമാകേണ്ട പല ആനുകൂല്യങ്ങളും ഇവർക്ക് നഷ്ടമാവുകയാണ്. റിപ്പോർട്ട് പുറത്തുവിടാൻ നടപടികൾ സ്വീകരിക്കാൻ സംസ്ഥാന സർക്കാർ തയ്യാറാകണമെന്ന് അദ്ദേഹം ആവശ്യപ്പെട്ടു.