പെരുമ്പാവൂർ: ഇന്നസെന്റ് ചാലക്കുടി എം.പി. ആയിരുന്നപ്പോൾ തന്റെ ആസ്തി വികസന ഫണ്ട് ഉപയോഗിച്ചു നടപ്പാക്കിയ നാട്ടുവെളിച്ചം എന്ന പേരിട്ട ഹൈമാസ്റ്റ് ലൈറ്റ് കണ്ണടച്ചിട്ട് ഇന്നേക്ക് 8 മാസം. കുന്നത്ത്നാടിന്റെ സാംസ്ക്കാരിക തലസ്ഥാനം, അക്ഷരഗ്രാമം എന്നിങ്ങനെ മഴുവന്നൂർ അഭിമാനിക്കുമ്പോഴാണ് മാസങ്ങളോളം നാട് ഇരുട്ടിൽ കഴിയുന്നത്.

5 ലക്ഷം രൂപ ചെലവാക്കി സ്ഥാപിച്ച ഹൈമാസ്റ്റ് ലൈറ്റാണ് കഴിഞ്ഞ 8മാസമായി കണ്ണടച്ചിരിക്കുന്നത്. മഴുവന്നൂർ പഞ്ചായത്തിന്റെ ഒന്നാം വാർഡിലെ പ്രധാന കവലയിലാണ് ഈ ഹൈമാസ്റ്റ് ലൈറ്റുകൾ സ്ഥാപിച്ചിരിക്കുന്നത്.

വെങ്ങോല,​ രായമംഗലം, മഴുവന്നൂർ എന്നീ മൂന്ന് ഗ്രാമപഞ്ചായത്തുകളുടെ സംഗമഭൂമിയാണ് മഴവന്നൂർ കവല. ഇത് ആരുടെ പരിധിക്കുള്ളിൽ വരുന്നുവെന്ന് നിശ്ചയിക്കാനാവാത്തതാണ് ലൈറ്റ് നേരെയാക്കാത്തതിന് കാരണമെന്നാണ് നാട്ടുകാർ ആദ്യം സംശയിച്ചത്. എന്നാൽ,​ ഇടതിന്റെ എം.പിയായിരുന്ന ഇന്നസെന്റ് സ്ഥാപിച്ച ഹൈമാസ്റ്റ് ലൈറ്റ് നന്നാക്കാതെ സി.പി.എമ്മിനോടുള്ള വിരോധം തീർക്കുകയാണ് മഴുവന്നൂർ ഭരിക്കുന്ന ട്വന്റി-20 ഭരണസമിതിയെന്ന് ഒരു വിഭാഗം ആരോപിക്കുന്നു.

ഹൈമാസ്റ്റ് ലൈറ്റ് കേടായപ്പോൾത്തന്നെ കമ്പനിക്കാരെ അറിയിച്ചിരുന്നു. അവർ ടെക്നീഷ്യന്മാരെ വിട്ടു ശരിയാക്കിയെങ്കിലും വീണ്ടും കേടാകു കയായിരുന്നു. എന്നാൽ അപ്പോഴേക്കും വാറന്റി പിരീഡ് കഴിഞ്ഞതിനാൽ ക്യാഷ് പ ഞ്ചായത്ത് കെട്ടിവക്കണം. മെയിന്റനൻസ് ഫണ്ട് പഞ്ചായത്തിന്റെ പ്രൊജക്ടിൽ ഉൾപ്പെടുത്തേണ്ടതുള്ളതു കൊണ്ടാണ് താമസം നേരിടുന്നത്.

അബിൻ ഗോപിനാഥ്

ഒന്നാം വാർഡ് മെമ്പർ

മഴുവന്നൂർ പഞ്ചായത്ത്.