ചേപ്പനം: ചാത്തമ്മ കായലി‍ൽ കൂട്ടുകാർക്കൊപ്പം കുളിക്കാനിറങ്ങിയ പുത്തൻകാവ് കുത്തിയതോട് തിരുമല ഭാഗം സുഭീഷ് നിലയത്തിൽ സരിൻ ലാൽ (25) മുങ്ങി മരിച്ചു. പ്ലബിംഗ് തൊഴിലാളിയാണ്. ഇന്നലെ വൈകിട്ട് 4.30 ഓടെയായിരുന്നു സംഭവം. ചേപ്പനത്തെ സുഹൃത്തിന്റെ വീട്ടിലെത്തിയതായിരുന്നു. നാട്ടുകാർ നടത്തിയ തെരച്ചിലിൽ അഗ്നിരക്ഷാ സേന എത്തുന്നതിനു മുമ്പേ മൃതദേഹം കണ്ടെത്തി. പനങ്ങാട് പൊലീസ് ഇൻക്വസ്റ്റ് നടപടികൾക്ക് ശേഷം മൃതദേഹം ജനറൽ ആശുപത്രി മോർച്ചറിയിലേക്കു മാറ്റി. പോസ്റ്റ്മോർട്ടത്തിനു ശേഷം ഇന്നു വിട്ടുനൽകും.