കൂത്താട്ടുകുളം: ശ്രീനാരായണ ഗുരുദേവന്റെ മഹാസമാധിദിനം എസ്.എൻ.ഡി.പി യോഗം കൂത്താട്ടുകുളം 224 -ാം നമ്പർ ശാഖയിലെ ഗുരുദേവക്ഷേത്രത്തിൽ ആചരിച്ചു. പ്രഭാത പൂജ, ഗുരുപൂജ, ഗുരുദേവകൃതികളുടെ പാരായണം, സമൂഹ പ്രാർത്ഥന, ബിനിൽ കോട്ടയത്തിന്റെ പ്രഭാഷണം, അന്നദാനം എന്നിവ നടന്നു. മേൽശാന്തി എം.കെ. ശശിധരൻ മുഖ്യകാർമ്മികത്വം വഹിച്ചു. കൂത്താട്ടുകുളം യൂണിയൻ പ്രസിഡന്റ് പി.ജി. ഗോപിനാഥ്, യൂണിയൻ സെക്രട്ടറി സി.പി. സത്യൻ എന്നിവർ പങ്കെടുത്തു. ശാഖാ പ്രസിഡന്റ് ഡി. സാജു, സെക്രട്ടറി തിലോത്തമ ജോസ് എന്നിവർ നേതൃത്വം നൽകി.