കൊച്ചി: ശനിയാഴ്ച നിര്യാതനായ മുൻ എൽ.ഡി.എഫ് കൺവീനറും മുതിർന്ന സി.പി.എം നേതാവുമായ എം.എം. ലോറൻസിന് ഇന്ന് കേരളം യാത്രാമൊഴിയേകും. മെഡിക്കൽ ട്രസ്റ്റ് ആശുപത്രി മോർച്ചറിയിൽ സൂക്ഷിച്ചിട്ടുള്ള മൃതദേഹം ഇന്ന് രാവിലെ 8ന് മകൻ അഡ്വ. അബി​യുടെ കടവന്ത്ര ഗാന്ധി നഗറിലെ വീട്ടി​ൽ കൊണ്ടുവരും. 9ന് സി​.പി​.എം ജി​ല്ലാ കമ്മി​റ്റി​ ഓഫീസായ കലൂർ

ലെനി​ൻ സെന്ററി​ലെത്തിക്കും. ഇവിടെ വച്ച് മൃതദേഹത്തിൽ പാർട്ടി പതാക പുതപ്പിക്കും. സംസ്ഥാന കമ്മിറ്റിയുടെ റീത്ത് സെക്രട്ടറി എം.വി. ഗോവിന്ദൻ സമർപ്പിക്കും.

10 മുതൽ വൈകി​ട്ട് നാല് വരെ എറണാകുളം ടൗൺ​ ഹാളി​ലാണ് പൊതുദർശനം. മുഖ്യമന്ത്രി പിണറായി വിജയൻ ഇവിടെ അന്ത്യാഞ്ജലി അർപ്പിക്കും. സംസ്ഥാന കമ്മിറ്റിയംഗങ്ങളും പൊളിറ്റ് ബ്യൂറോ പ്രതിനിധികളും എത്തും. തുടർന്ന് എറണാകുളം മെഡി​ക്കൽ കോളേജി​ന് കൈമാറും.