പെരുമ്പാവൂർ: എസ്.എൻ.ഡി.പി യോഗം വെങ്ങോല നോർത്ത് 886-ാം നമ്പർ ശാഖയുടെ കീഴിലുള്ള പോഞ്ഞാശേരി വയൽവാരം കുടുംബയൂണിറ്റ് വാർഷികം കുന്നത്തുനാട് യൂണിയൻ അഡ്മിനിസ്ട്രേറ്റീവ് കമ്മിറ്റി അംഗം ബിജു വിശ്വനാഥൻ ഉദ്ഘാടനം ചെയ്തു. ശാഖാ പ്രസിഡന്റ് എൻ,എ. ഗംഗാധരൻ അദ്ധ്യക്ഷനായി. ശാഖാ സെക്രട്ടറി എം.കെ. രഘു, ശാഖാ കമ്മിറ്റി അംഗവും ഗുരുധർമ്മേ പ്രചാരകനുമായ മോഹൻ ശ്രീഗുരു, ശാഖാ വൈസ് പ്രസിഡന്റ് ജയരാജ്, കമ്മിറ്റി അംഗം എം.കെ. രാജൻ, യൂത്ത് മൂവ്മെന്റ് ശാഖാ പ്രസിഡന്റ് ബിനു എന്നിവർ സംസാരിച്ചു.