കൊച്ചി : തൃപ്പൂണിത്തുറ ശ്രീപൂർണത്രയീശ ക്ഷേത്രത്തിന്റെ പേരിലുള്ള വ്യാജ ഇൻസ്റ്റഗ്രാം അക്കൗണ്ടിനെക്കുറിച്ച് അന്വേഷിക്കണമെന്ന് ആവശ്യപ്പെട്ട് ഹിന്ദു ഐക്യവേദി കൊച്ചിൻ ദേവസ്വം ബോർഡിന് പരാതി നൽകി.

ഒഫീഷ്യൽ ശ്രീപൂർണത്രയീശ ക്ഷേത്രം എന്ന പേരിലായിരുന്നു അക്കൗണ്ട്. ക്ഷേത്രത്തിലെ മുൻ ഉപദേശക സമിതി ഭാരവാഹി 2022ൽ സമിതിക്ക് വേണ്ടി ആരംഭിച്ചതായി​ കരുതുന്ന അക്കൗണ്ടിന് 7800 ഫോളോവേഴ്സ് ഉണ്ട്. സമിതിയുടെ കാലാവധി കഴിഞ്ഞിട്ടും പേജ് ലൈവായി തുടരുകയായിരുന്നു. ഇത് സാമ്പത്തി​ക നേട്ടത്തി​ന് വേണ്ടി​ ഉപയോഗി​ച്ചി​ട്ടുണ്ടാകുമെന്നും ഐ.ടി​. ആക്ട് പ്രകാരം കേസെടുക്കാൻ വേണ്ട നടപടി​കൾ ദേവസ്വം ആരംഭി​ക്കണമെന്നുമാണ് ദേവസ്വം തൃപ്പൂണി​ത്തുറ അസി​. കമ്മി​ഷണർക്ക് നൽകി​യ പരാതി​യി​ലെ ആവശ്യം. തുടർനടപടി​കൾക്കായി​ പരാതി​ ദേവസ്വം ബോർഡ് ആസ്ഥാനത്തേയ്ക്ക് കൈമാറി​യി​ട്ടുണ്ട്.