കൊച്ചി: എത്യോപ്യ, ശ്രീലങ്ക, ഉസ്ബെക്കിസ്ഥാൻ തുടങ്ങിയ രാജ്യങ്ങളിലെ ഡോക്ടർമാരുടെ പരിശീലനത്തിനായി സൺറൈസ് ആശുപത്രി കരാർ ഒപ്പിട്ടു. സൺറൈസിലെ വിദഗ്ദ്ധ ഡോക്ടർമാർ ഈ രാജ്യങ്ങളിലെത്തി പരിശീലനം നൽകും. ഈ ഡോക്ടർമാർക്ക് സൺറൈസ് ആശുപത്രിയിലെ സർജറികൾ നിരീക്ഷിക്കാൻ സൗകര്യം ഉണ്ടാകും. ആരോഗ്യ പരിപാലന രംഗത്തും പരിശീലന രംഗത്തും 20 വർഷമായി സൺറൈസ് ആശുപത്രി പുലർത്തുന്ന മികവിനുള്ള അംഗീകാരമാണിതെന്ന് സൺറൈസ് ആശുപത്രി സി.ഇ.ഒ. സുരേഷ് കുമാർ തമ്പി പറഞ്ഞു. വിദഗ്ദ്ധ ചികിത്സ വേണ്ട രോഗികളെ സൺറൈസിലേക്ക് നേരിട്ട് കൊണ്ടുവരാനും ഈ കരാറിന്റെ ഭാഗമായി സർക്കാർ പ്രതിനിധികൾ സന്നദ്ധത അറിയിച്ചതായി അദ്ദേഹം വെളപ്പെടുത്തി. ചടങ്ങിന്റെ ഭാഗമായി സൺറൈസ് ആശുപത്രി ചെയർമാനും പ്രശസ്ത ലാപ്രോസ്കോപ്പിക് സർജനുമായ ഡോ. ഹാഫിസ് റഹ്മാനെ ലൈഫ് ടൈം അച്ചീവ്മെന്റ് അവാർഡ് നൽകി ആദരിച്ചു. ഐ.എം.എ സംസ്ഥാന പ്രസിഡന്റ് ഡോ. ജോസഫ് ബെനെവൻ ആദരവ് കൈമാറി. സൺറൈസ് മാനേജിംഗ് ഡയറക്ടർ പറവീൻ ഹഫീസ് ചടങ്ങിൽ പങ്കെടുത്തു.