തൊടുപുഴ : തെരഞ്ഞെടുപ്പിൽ ജനങ്ങൾ നൽകിയ തിരിച്ചടി മാനിക്കാതെ സമസ്ത മേഖലകളിലും വർഗീയ വിദ്വേഷ കാഴ്ചപ്പാടുള്ള പ്രവർത്തനങ്ങളാണ് ബി.ജെ.പി സർക്കാർ നടത്തുന്നതെന്ന് സി.പി.ഐ സംസ്ഥാന എക്സിക്യൂട്ടീവ് അംഗം കെ .കെ അഷ്രഫ് പറഞ്ഞു.
ദേശീയ കൗൺസിലിന്റെയും സംസ്ഥാന കൗൺസിലിന്റെയും തീരുമാനങ്ങൾ റിപ്പോർട്ട് ചെയ്യാൻ തൊടുപുഴയിൽ ചേർന്ന മേഖല യോഗം ഉദ്ഘാടനം ചെയ്യുകയായിരുന്നു അദ്ദേഹം.രാജ്യത്തിന്റെ ജനാധിപത്യവും മതേതരത്വവും സംരക്ഷിക്കാൻ ജാഗ്രയോടെയുള്ള പ്രവർത്തനങ്ങൾക്ക് ഇന്ത്യ മുന്നണി മുൻകൈ എടുക്കണം. കാർഷികതൊഴിൽ മേഖലകളെ അവഗണിച്ച് കോർപ്പറേറ്റുകൾക്ക് രാജ്യത്തെ സാമ്പത്ത് കൊള്ളചെയ്യാൻ കൂട്ടുനിൽക്കുകയാണ് കേന്ദ്ര സർക്കാരെന്നും അദ്ദേഹം പറഞ്ഞു.
മൂലമറ്റം മണ്ഡലം സെക്രട്ടറി സുനിൽ സെബാസ്റ്റ്യൻ അധ്യക്ഷത വഹിച്ചു. തൊടുപുഴ മണ്ഡലം സെക്രട്ടറി വി ആർ പ്രമോദ് സ്വാഗതം പറഞ്ഞു. ജില്ലാ സെക്രട്ടറി കെ സലിംകുമാർ, സംസ്ഥാന കൗൺസിൽ അംഗം കെ .കെ ശിവരാമൻ, ജില്ലാ അസി. സെക്രട്ടറി പ്രിൻസ് മാത്യു എന്നിവർ സംസാരിച്ചു.
തൊടുപുഴ, മൂലമറ്റം മേഖലയിലെ സംസ്ഥാന ,ജില്ലാ കൗൺസിൽ അംഗങ്ങൾ, മണ്ഡലം കമ്മറ്റി മെമ്പർമാർ, ലോക്കൽ കമ്മറ്റിയംഗങ്ങൾ, ബ്രാഞ്ച് സെക്രട്ടറിമാർ എന്നിവരാണ് മേഖല യോഗത്തിൽ പങ്കെടുത്തത്.