കട്ടപ്പന :പെൻഷൻ പരിഷ്കരണം നടപടികൾ ആരംഭിക്കുക, കുടിശ്ശികയായ 19 ശതമാനം ക്ഷാമാശ്വാസം അനുവദിക്കുക, ക്ഷാമാശ്വാസ പെൻഷൻ പരിഷ്കരണ കുടിശ്ശിക വിതരണം ചെയ്യുക, ജീവാനന്ദം പദ്ധതി ഉപേക്ഷിക്കുക, മെഡിസെപ് ന്യൂനതകൾ പരിഹരിക്കുക തുടങ്ങിയ ആവശ്യങ്ങൾ ഉന്നയിച്ചു കൊണ്ട് കേരള സ്റ്റേറ്റ് പെൻഷനേഴ്സ് അസോസിയേഷൻ സബ്ട്രഷറിയ്ക്ക് മുമ്പിൽ സത്യാഗ്രഹ സമരം നടത്തികട്ടപ്പന പഴയ സ്റ്റാൻഡിൽ നിന്നും ടൗൺ ചുറ്റി നടന്ന പ്രകടനത്തിനു ശേഷമാണ് യോഗം ആരംഭിച്ചത്.കേരളം ഭരിക്കുന്നത് മാഫിയ സംഘം ആണെന്ന് യോഗം ചെയ്തുകൊണ്ട് യു.ഡി.എഫ് ജില്ലാ ചെയർമാൻ ജോയിവെട്ടിക്കുഴി പറഞ്ഞു.

പെൻഷനേഴ്സ് അസോസിയേഷൻ ജില്ലാ പ്രസിഡന്റ് പി. കെ. ഷാജി അദ്ധ്യക്ഷനായിരുന്നു. സംസ്ഥാന കമ്മിറ്റി അംഗം കെ എ മാത്യു മുഖ്യപ്രഭാഷണം നടത്തി. ജില്ലാ സെക്രട്ടറി ഐവാൻ സെബാസ്റ്റ്യൻ,വനിതാ ഫോറം കൺവീനർ ടി .കിങ്ങിണി ,ശാസ്ത്രവേദി ജില്ലാ പ്രസിഡന്റ് സണ്ണി മാത്യു, ഡിസിസി ജനറൽ സെക്രട്ടറി വൈ സി സ്റ്റീഫൻ, കെ ആർ ഉണ്ണികൃഷ്ണൻ, എ ഡി ചാക്കോ, റോയി ജോർജ്, റോയി സെബാസ്റ്റ്യൻ, ജി. രാജരത്നം, വി.എ. ജോസഫ്,ജോസ് വെട്ടിക്കാല തുടങ്ങിയവർ സംസാരിച്ചു