കട്ടപ്പന :ഇടുക്കി രൂപതാ നാലാമത് മരിയൻ തീർഥാടനം ശനിയാഴ്ച നടക്കുമെന്ന് രൂപതാ വികാരി ജനറാൾ മോൺ. ജോസ് പ്ലാച്ചിക്കൽ അറിയിച്ചു. തീർത്ഥാടനത്തിന് രൂപതാ മെത്രാൻ മാർ ജോൺ നെല്ലിക്കുന്നേൽ നേതൃത്വം നൽകും.രാജാക്കാട് ക്രിസ്തുരാജാ ഫൊറോനാ ദേവാലയത്തിൽ നിന്നും ആരംഭിക്കുന്ന കാൽനട തീർത്ഥാടനം ഉച്ചകഴിഞ്ഞ് 1.30 ന് രാജകുമാരി ദൈവമാതാ തീർഥാടന ദൈവാലയത്തിൽ എത്തിച്ചേരും. തുടർന്ന് നടക്കുന്ന തിരുകർമങ്ങൾക്ക് സീറോ മലബാർ സഭയുടെ കൂരിയാ മെത്രാൻ മാർ സെബാസ്റ്റ്യൻ വാണിയപുരക്കൽ മുഖ്യ കാർമികത്വം വഹിക്കും. രൂപതയിലെ മുഴുവൻ വൈദികരും സഹകാർമികരാകും.

തീർത്ഥാടനത്തിന്റെ ഭാഗമായി അടിമാലി സെന്റ് ജൂഡ് ഫൊറോനാ ദൈവാലയത്തിൽ നിന്നും വെള്ളിയാഴ്ച വൈകിട്ട് 3 ന് മാർ ജോൺ നെല്ലിക്കുന്നേലിന്റെ നേതൃത്വത്തിൽ കാൽനടതീർത്ഥാനം ആരംഭിക്കും.
തീർത്ഥാടനത്തിന്റെ ക്രമീകരണത്തിനായി വികാരി ജനറാൾമാരായ മോൺ. ജോസ് കരിവേലിക്കൽ, മോൺ. ജോസ് പ്ലാച്ചിക്കൽ, മോൺ. അബ്രാഹം പുറയാറ്റ്, ഫാ. മാത്യു കരോട്ടുകൊച്ചറയ്ക്കൽ, ഫാ.ജോർജ് പാട്ടത്തേക്കുഴി, ഫാ. ജിൻസ് കാരയ്ക്കാട്ട്, ഫാ. ജോസഫ് മാതാളികുന്നേൽ, ജോർജ് കോയിക്കൽ, ജെറിൻ പട്ടാംകുളം എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിക്കുന്നു.