ഇടുക്കി: ബ്ലോക്കിൽ കാർഷിക വികസന ക്ഷേമ വകുപ്പിന് കീഴിലുള്ള വിവിധ കൃഷിഭവനുകളിൽ 180 ദിവസത്തെ ഇന്റേൺഷിപ്പിനായി 18 നും 41നും ഇടയിൽ വി.എച്ച്.എസ്.ഇ/ ഡിപ്ലോമ ഇൻ ഓർഗാനിക് ഫാമിങ്/ അഗ്രികൾച്ചർ യോഗ്യതയുള്ള ഉദ്യോഗാർത്ഥികളിൽ നിന്ന് അപേക്ഷ ക്ഷണിച്ചു. അപേക്ഷകൾ www.keralaagriculture.gov.in എന്ന പോർട്ടൽ വഴി ഓൺലൈനായും അപേക്ഷ ഡൌൺലോഡ് ചെയ്ത് പൂരിപ്പിച്ച് കൃഷിഭവനുകളിലും കൃഷി അസിസ്റ്റന്റ് ഡയറക്ടറുടെ കാര്യാലയത്തിലും നൽകാം. അപേക്ഷകർക്കായി 23ന് തടിയമ്പാട് ബ്ലോക്ക് പഞ്ചായത്ത് ഹാളിൽ ഇന്റർവ്യൂ നടത്തും. അപേക്ഷ നൽകേണ്ട അവസാന തീയതി 13. കൂടുതൽ വിവരങ്ങൾ www.keralaagriculture.gov.in എന്ന പോർട്ടൽ സന്ദർശിക്കുക. ഫോൺ​: 04862​253288, 9383471172.